Vdes Sulltani i Omanit, menjëherë zgjidhet tjetri

08:33 | 11 Janar 2020
Arbresh.info

Sulltan Qaboos bin Said ka vdekur, sipas televizionit shtetëror të Omanit.

“Me hidhërim, njoftojmë se oborri i Sulltanatit të Omanit është në zi për Sulltanin tonë Qaboos bin Said të cilin Zoti zgjodhi ta merrte pranë vetes të premten mbrëma”, tha agjencia e lajmeve, transmeton portali arbresh.info.

Ai shtoi se Qaboos vdiq pas “një marshimi të mençur dhe triumfues të pasur me zemërgjerësi që përqafoi Omanin dhe shtrihej në botën arabe, myslimane dhe mbarë botën dhe arriti një politikë të ekuilibruar që e respektoi e gjithë bota”.

Një periudhë zie prej tri ditësh është shpallur në Oman dhe flamuri i vendit do të valëvitet në gjysmë-shtizë për 40 ditë.

Sulltan Qaboos, 79 vjeç, kishte sunduar Omanin që kur rrëzoi babanë e tij në një grusht shteti pa derdhur gjak në 1970.

Më vonë të shtunën, Oman emëroi Haitham bin Tariq Al Said si sundimtarin e ri të vendit, sipas korrespodentit të Al Jazeera në kryeqytet, Muscat. Ish Ministri i Kulturës, 65 vjeç, është betuar para këshillit qeverisës të familjes të shtunën, raportojnë mediat lokale al-Watan dhe al-Roya./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm